दुख्ने पिडा पनि मेरै हो 

दुख्ने घाउ पनि मेरै हो

खुशी अनुहार पनि मेरै हो 

खुशी मन पनि मेरै हो 

क्षणभर को लागि बाटोमा भेटेकाे

मात्र हो तनाउहरु  

ढल फल हुने जीवनी केहि क्षण को 

लागि साटेको मात्र हो 

लुकी जाने जवानी केहि क्षण को 

लागि पैचो मागेको मात्र हो

पात बाट खस्दै गरेको एक थोपा 

पानी त हौ हामी 

घामको किरणमा बिहानै बिलि जाने

शीत को थोपा त हौ हामी 

रेगिस्तानको मृगतृष्णा भित्र लुकेको 

प्यास मात्र त हौ हामी