मेरो प्रश्नको उत्तर कहाँ खोज्नु
कथा छोडेर त्यसको पात्र खोज्दैछु
निन्द्रा भित्र सपना खोज्दैछु
हावा भित्र मेरो श्वास खोज्दैछु
लडी रहेको ढुंगा भित्र आत्मा खोज्दैछु

सुन्तलाको भारी बोकेर आएको दाजुलाई
पसिनामा भिजेको कथा माग्दैछु
चियाकाे बाेटमा अल्झेकाे भावना लाई
लुथ्रुकै भिझेकाे व्यथा माग्दैछु
आरा काट्दै गरेको भाईलाई
उसको सन्तुष्टि माग्दैछु

सदा झैँ चलिरहेको नाटकमा
आज पनि एउटा नाटक छ
सदा हिडी रहेको बाटोमा
आज पनि रमितै रमिता छ